حذر الرئيس عبدالفتاح السيسي من ظاهرة البناء العشوائي، مشددا على أن أضرارها كثيرة، وطالت قطاعات الصرف الصحي، المياه، الكهرباء، والغاز الطبيعي.
وأضاف السيسي خلال افتتاح مشروعات قومية في دمياط: “في مناطق مش قادرين ندخل فيها الغاز، ونريح الناس وتكلفة تبقى اقتصادية لينا، عشان المناطق مش آمنة”.
ووجّه السيسي رسالته للحكومة والإعلاميين والشعب المصري: “لما نتكلم عشان التحدي، وكل مرة هكرر الكلام، مفيش تحدي خطر على مصر إلا من داخل مصر”.
وتابع السيسي: “أرجو إنكم تبصوا في المنطقة حولنا وتشوفوا، لما يتحرك الناس قادرين إنهم يهدوا بلادهم، طب وهو في حاجة عندك؟ لا معنديش، وهو أنا هستنى لما يبقى عندي وأنبهكم، هفضل أكرر وأكرر وأكرر الموضوع ده، حتى يبقى عندنا مناعة إن حد ياخدنا ويخلينا نهد بلدنا وندمرها”.
واستطرد السيسي: “هفضل أكررها عشان أبقى عملت اللي عليّا مع الناس في مصر، وفهمتهم أد إيه خطورة والضرر اللي بينتج عن التحرك، فالدولة تبذل جهدًا جبارًا لإقناع المصريين بأنّها تتحرك بمعدلات”.
ويفتتح الرئيس عبدالفتاح السيسي، اليوم، عددا من المشروعات القومية بمحافظة دمياط، بحضور عدد من الوزراء وكبار رجال الدولة، وهما مدينة دمياط للأثاث، ومحطة متعددة الأغراض بميناء دمياط، إضافة لعدد من الوحدات السكنية بمدينة دمياط الجديدة، ومركز للتعليم المدني، وفندق منطقة اللسان، الذي يعتبر أول فندق 5 نجوم بمنطقة محافظات الدلتا.
