نشر شادى حسين مراسل برنامج أبلة فاهيتا، بيانا عبر حسابه الشخصى بموقع التواصل الاجتماعي فيس بوك، رداً على بيان “أبلة فاهيتا” والتى اعتذرت من خلاله شادى والعسكري الذى ظهر فى فيديو الواقى الذكرى.
وقال نص البيان، “عزيزتي أبلة فاهيتا، إنتى مش من خصومى علشان أزعل منك أو أسامحك، خصومى هم اللى خلوا خوفك يجبرك تقولى كلام غير طبيعتك اللى أنا متعود عليه، حطولك سقف على برنامجك ومانعينك تسخرى من حاجات كتير كان نفسك تقوليها وقصقصوا فى تقاريرى لما كنت معاكى..خصومى اللى وقفوا برنامج باسم يوسف ومنعونا حتى نضحك على بلاوينا.. حكموا بـ3 سنين سجن على صديقى عمرو نوهان بسبب صورة ساخرة..خطفوا مصطفى ماصونى وغيره كتير ومش عارفين مكانهم ولا عارفين هم عايشين ولا أموات.. خصومي بيهددوا الفنان أحمد مالك “رغم اعتذاره” بعدم الظهور مجددا لاستكمال مشواره الفنى بمجرد مشاركته معى فى الفيديو الساخر وبيهددونى إنهم هيأذونى انا وأهلى”.
وأضاف فى بيانه، “عزيزتي أبلة فاهيتا خصومى ضعاف و تافهين أوى، وبيتقمصوا من الهزار وكيانهم بيتهز من كوميكس أو فيديو 120 ثانية.. فا إشطة يعني الموضوع ميستحقش الاعتذار”.
