قالت الفنانة سمية الخشاب، إن زوجها الفنان أحمد سعد لا يخشى إطلاقا أن تمسك هاتفه المحمول وتستكشف ما بداخله، مضيفة: “أحمد بيسيب ليا التليفون وبرد على مكالماته، لكن أنا فتشت مرة واحدة فى الأول علشان أطمن على اللى فيه، والحمد لله لقيته نضيف، وهو شافنى وقعد يضحك ويقولى حبيبة قلبي اعملى اللى انتى عاوزاه”.
وأضافت سمية الخشاب، فى حوارها مع الإعلامية سمر يسرى، ببرنامج “أنا وأنا” المذاع عبر فضائية ON E، أن غيرتها على الفنان أحمد سعد “معتدلة” أما غيرة زوجها عليها كبيرة، وقالت: “علشان هو برج الأسد لكن أنا الميزان، وأنا مش هغير عليه غيرة تخنقه”.
وعن علاقة الفنانة بالسوشيال ميديا، قالت سمية الخشاب: “مشكلة السوشيال ميديا، إن كل واحد بيعمل اللى هو عاوزه ومفيش قوانين بتحكمها، وأنا كنت مهملة تفاعلى مع «الفانز» بس بدأت اتفاعل معاهم، وفكرة أن أصبح عليهم وأمسى عليهم حاجة مهمة جدا علشان يطمنوا عليا”.
