قالت الفنانة سمية الخشاب، إنها من أكثر الممثلات التي تعرضت لشائعات ارتباط بالعديد من نجوم الوسط الفني، ومنهم المطرب أحمد سعد.
وأضافت «الخشاب»، خلال مداخلة هاتفية لبرنامج «كل يوم»، على فضائية «ON E» مع الإعلامى «عمرو أديب»، «أنا أكتر واحدة بيطلع عليها شائعات وياما اتجوزت واتطلقت، وياما جوزونى وطلقوني، جوزونى كل الرؤساء والوزراء والفنانين والمخرجين، ومفيش حد متجوزتوش ومطلقتوش ياخويا».
وتابعت الفنانة: «لو اتجوزنا ولما نتجوز هنقول.. ولو متجوزناش ماشى، بس إحنا فى حالة روحانية جميلة وربنا اللى جمعنى بالإنسان الجميل ده، أفكارنا واحدة واتجاهاتنا فى قربنا من ربنا واحدة، وإحنا فى حالة أقوى من الاستلطاف».
واستطردت: «الأهم من علاقة عادية أو تنتهى بجواز ده بتاع ربنا، بس إحنا طول الوقت بنتكلم فى ربنا، وربنا كرمه عشان هو عرف الطريق الصح».
وأوضحت أن الفنان أحمد سعد عبارة عن طاقة نور وخير وحب وفن، ولديه صوت رائع، مشيرة إلى أنها لم تنزعج من شائعات زواجهما وكانت سعيدة و«منتعشة».
