دشن جمهور النادى الأهلى، من أعضاء رابطة مشجعيه “أولتراس أهلاوى”، هاشتاج جديد يدافع عن الأولتراس يحمل عنوان “أولتراس اهلاوى مش مجرمين”، وهو الهاشتاج الذى جاء ضمن قائمة الأكثر تداولاً بموقع التواصل الاجتماعى “تويتر”، مساء اليوم السبت، للدفاع عن الرابطة ضد الاتهامات التى تُوجَه لها باستخدام العنف.
و كانت مجموعة أولتراس أهلاوى قد استنكرت قيام الشرطة بالقبض على حوالى 60 مشجعا من الجمهور الذين ذهبوا للنادى الأهلى لحضور تمرين الفريق دون علمهم بإلغاء التمرين، والذين تم إخلاء سبيلهم بعد ذلك. وجاءت أبرز تغريدات المشجعين المدافعة عن ألتراس أهلاوى عبر الهاشتاج كالتالى.. “والله حرام نكسر فى الشباب ليه دايما شايفينهم ارهابيين دول مشجعين وراح منهم كتير وكل مطالبهم حق الشهداء المشجعين”، “إن كان حُب الوطن حُرًا كريمًا خاليا من أغبياء، يسع الكل و فى صدارتهم شباب هم جل حاضر و كل مستقبل فـ نِعم الإجرام”، “الالتراس فكرة والفكرة لا تموت”، “انا مش من الألتراس وياريت اكون منهم .. ودول شباب زى زى اى حد، فلو مش محترمين انت كمان مش محترم”.
و تابعت التغريدات: “رجالة محترمين، أى خطأ منهم ده رد فعل، UA 74″، “وهو فى مجرمين يضحوا بنفسهم عشان فريقهم .. الاولتراس مش مجرمين يادولة العواجيز”، “تهمتك إيه يابنى، لابس تيشرت أحمر ورايح اشجع”، “مش مجرمين عشان بيحبوا ناديهم و بيدافعوا عنه و بيخافو عليه، مش مجرمين عشان عندهم الاهلى بالحياة، مش مجرمين يا طاهر”. واستطردت التغريدات: “لو احنا مجرمين مكنش طلع من الفريق واحد زى محمد ابو تريكه انا محترمين”، “اولتراس هو روح الاهلى، الاهلى مهما كان سواء حلو او وحش مش هيعرف يعمل حاجه منغير اولتراس”، “الكورة مش حاجة مدوره بتجرى عالأرض وخلاص، الكوره متعه، ومتعهتها فى حضور جمهورها”.
