ردت السفيرة نبيلة مكرم وزيرة الهجرة، على الجدل الذي أُثير علي صفحات مواقع التواصل الاجتماعي حول صورتها، التي اُلتقطت لها أثناء سيرها على معدية مفروشة بالسجاد في قرية الفرستق بمركز بسيون بالغربية، اليوم الأحد.
وقالت الوزيرة إنها زارت 4 قرى في محافظة الغربية، وكانت سعيدة لأنها استطاعت أن تتحدث مع “الناس الجدعة اللي شغالة”، مضيفة: “هم كمان كانوا سعداء أنهم شافوا مسئول يصل عندهم، ويستمع إليهم” مؤكدة أنها لم تشعر بالتعب أو الملل ولكنها كانت سعيدة.
وجاء نص رد الوزيرة “أيوة انا وزيرة الهجرة إللى زرت النهارده اربع قرى فى محافظة الغربية ( الفرستق وكتامة ومحلة اللبن واخيرا قرية شبرابلولة) وكنت سعيدة انى قدرت اروح اكلم مع الناس الجدعة إللى شغالة وهم كمان كانوا سعداء انهم شافوا مسؤول جيه لغاية عندهم..ما تعبناش وقلنا كفاية قرية واحده لا كنا فرحانين وعايزين نعرف محتاجين ايه علشان نساعدهم..ولما خلصنا الزيارات قعدنا كلنا انا والمحافظ والناس الجدعة إللى نزلت معايا من البنك المركزى وبرنامج التعليم الفنى وجهاز المشروعات الصغيرة والمتوسطة والمجلس القومى للمرأة علشان نحط خطة الدعم إللى ممكن نقدمها لولاد القرى دول…الناس إللى بتتعب كل يوم واللى مش فاضية تعد تفتى وتتنظر…رجالة بمعنى الكلمة وعلشان كده احنا روحنالهم نساعد وندعم”.
وأضافت الوزيرة: “الناس دى مش منافقة الناس دى كريمة ولاد بلد مرحبة بالوزيرة إللى نزلت مع ناس غيرها تسال عنهم بتوجيهات من رئيس دولة عايز ينمى قراهم”.
