أضاف الرئيس السيسى، فى كلمته على هامش افتتاحه عددا من المشروعات القومية فى شرق بورسعيد، أن هناك لجنة عليا فى مجلس الوزراء تراجع كل الإجراءات المالية للمشروعات، قائلا: “اللجنة العليا تناقش كل قرض بناخده.. يعنى مفيش حاجة بتتعمل وخلاص.. وفيه برلمان بيراقبنا ويشوف إحنا بنعمل ايه.. يعنى منقدرش نتجاوز”.
وتابع الرئيس: “مشروع قطاع السخنة – الإسكندرية – العلمين.. تقدمت إليه مناقصات بقيمة 19.5 مليار دولار ورقم آخر بـ10 مليار دولار لإنشاء خط بطول 450 كليو متر بس.. قلتهم مش هعمله بالرقم ده.. والرقم اللى قلناه بفضل الله سبحانه وتعالى ربنا حققه.. ووصلنا لإنشاء 2000 كيلو متر بتكلفة 350 مليار جنيه”.
وأردف الرئيس: “شركات فى مصر كتير نمت وكبرت من الشغل اللى إحنا عملناه خلال الـ6 سنوات اللى فاتوا ولسه إحنا شغالين.. وبالنسبة لخطوط السكك الحديد اللى بنعملها هو هدف كبير.. وإحنا شغالين وبنعمل لأهلنا فى مصر”.
