كشف المنشد محمود التهامي، لجمهوره ومحبيه، تفاصيل واقعة الحراسة التي ظهرت أمام منزله، والسير معهم وسط حراسة مشددة من مديرية أمن أسيوط.
وقال «التهامي» عبر حسابه الشخصي على موقع التواصل الاجتماعي «فيس بوك»: «على سبيل الدعابة، كان عندي حفلة في مديرية أمن أسيوط، ومدير الأمن مشكورًا بعت ليا عربية خاصة مفيمة وعربيتين شرطة وحراسة تاخدني من البيت».
وأضاف المنشد، “المهم نزلت من البيت لقيت الشارع كله باصص ليا والحراسة وأنا رايح أركب العربية، الناس طبعًا نظراتها غريبة، افتكرت إني مقبوض عليا”.
وتابع التهامي، “ربنا ألهمني وأدركت دا، رحت رايح لمؤمن اللي فاتح محل العصير اللي تحت العمارة عندنا، وقلتلوا بصوت عالي يسمع أسيوط كلها مش الشارع بس، أنا رايح أعمل حفلة في مديرية الأمن يا مؤمن، وهسيب عربيتي ومدير الأمن مشكورًا باعت ليا عربية، وراجع كمان ساعتين، على فكرة مؤمن كان بيني وبينه تقريبًا نص متر، عن نظرة مؤمن، المسبهلة، وودانوا اللي اتفرتكوا من علو الصوت، وهو مش فاهم أي حاجة.. بس كان لازم أعمل كده وإلا كانت الناس دماغها راح في حته تانية، شكرًا لمدير الأمن على التشريفة، وألف شكر للضباط على حسن الضيافة الحفلة الجاية، والله ما تتعب حد أنا هجيلك بعربيتي، اروح اطمن على مؤمن اللي اطرم».
