قال الإعلامى عمرو أديب إن البعض يتساءل عن مدى الاستفادة من افتتاح الرئيس السيسى مجمع التكسير الهيدروجينى بمسطرد، موضحاً أن هذا الصرح وفر فرص عمل كثيرة. وأضاف خلال تقديمه برنامج “الحكاية”، على فضائية “MBC مصر”: “اللى انتوا شايفينه ده (فيل بزلومة) يعنى مشروع ضخم، هذا صرح متعثر أنه يتبنى من قبل ثورة 2011 وقعدنا 10 سنين على ما تم افتتاحه الآن، وده مش أول واحد ولا آخر واحد بعد كدة هيكون فيه في أسيوط والإسكندرية”.
وتساءل أديب: “من يوم ما جات الإدارة دى وقفتوا في طابور بنزين أو طابور أنابيب، احنا بننسى، أنا فاكر والله المشاهد المخجلة لأنبوبة البوتاجاز، فاكرين طوابير مرسى بتاعة البنزين ولا لأ”، وتابع ساخرا: “ده كان نبغة الاقتصاد وعالم ناسا”.
ووجه أديب حديثه للقنوات الإرهابية: “عشان تعارض لازم تيجي كدة شوية وكدة شوية، فيه حاجات تعجبك وحاجات لأ، انتوا بس تعرفوا مش عاوزين تغيروا، انتوا عوزين تدمروا”، مردفاً: “مصر أقوى من كدة بكتير وياما دقت على البلد دى طبول ومنفعشي وهم نفسهم كانوا بيحكموا ولا عرفوا يعملوا حاجة”.
وكان الرئيس عبد الفتاح السيسى افتتح مجمع التكسير الهيدروجينى بمسطرد باستثمارات 3.4 مليار دولار وطاقة إنتاج 4.7 مليون طن.
