قال الإعلامي عمرو أديب: “المخازن في العالم مليانة وابتدت رائحة الركود تبقى ظاهرة، ولا أحد يشتري، كبرى الشركات في العالم تستغنى عن العمالة بتاعتها من 10 إلى 60% ومنها أمازون اللي كانت أرباحها مرعبة، ومايكروسوفت وتويتر وميتا اللي هي فيس بوك اللي فقدت 70% من قيمتها”.
طوابير بنوك الطعام ببريطانيا
وأضاف خلال برنامج “الحكاية” المذاع على قناة “إم بي سي مصر”: “البضاعة دلوقت ما بتتباعش والشركات بتمشي العمال، ونرى حاليًّا طلاب بريطانيون يقفون أمام بنوك الطعام ويقفون في طوابير طويلة علشان ياخدوا كوبونات وصناديق الأكل”.
2030 السنة السوداء
وتابع:”بنوك الطعام في بريطانيا مش ملاحقين علي الناس اللى طالبة أكل، ويتحدثون عن توفير وجبة واحدة في اليوم ببريطانيا، والعالم كله متنيل و2023 هتبقى سنة سودة مش كلامي ده كلام رئيس البنك الفيدرالي وخبراء الاقتصاد في العالم وصناديق النقد والتمويل، وكله يعيش الأزمة مش في مصر”.
اَثار الحرب الروسية الأوكرانية
وأضاف:”الحرب الروسية الأوكرانية خرمت العالم وهذا التعبير الأدق لما تعانيه الدول بما فيها الغنية والمتقدمة، وكل الثروة والقدرات في الدول الغنية اللى عندها احتياطيات نقدية هائلة تبخرت، ورئيس وزراء بريطانيا قال أنا ما عنديش فلوس أدعم أوكرانيا تاني”.
نصيحة عمرو أديب للمواطنين
وأكمل: “نصيحتي صادقة والاَن قد ظهر ما كنا نقوله ناخد بالنا من مصاريفنا وفيه قدرة على أننا منعملش أي شيء غير ضروري، أرجوك لا تفعل أي شيء غير ضروري لأن الأيام القادمة صعبة جدًّا، وكمواطن عادي خلي بالك من النور والمياه والاستهلاك والعيش والقرش على القرش هيفرق الفترة اللي جاية، نحن في زمن السيولة والخوف كل الخوف إني ميبقاش فيه سيولة وده خوف دول مش أفراد “.
