تكثر العزومات والخروجات فى شهر رمضان وهناك فرصة لكبيرة لحدوث زيادة فى الوزن وايضا لأن الاستمرار فتره طويله بدون شرب مياه او اكل يؤثر تأثير سلبى على الرجيم .
لذا يقدم دكتور كميل كامل – استشارى الباطنه وعلاج السمنه – مجموعة من النصائح للحفاظ على الوزن فى رمضان وهى :
1- نحاول نشرب مياه كثيرة فترة الفطار الى السحور لتعويض فترة الصيام.
2- حاولى تبعدى عن الدليفرى والبيبسى و الشيبسى والمشروبات الغازيه والدهون بأنواعها والسمنه وتقللى من المعلبات والشيكولاته والحلويات وتكترى الخضروات الطازجه.
3- تناول كوب شاى اخضر عليه نصف ليمونه مرتين فى الفتره بين الفطار والسحور.
4- قبل العزومات والوجبات الغنيه بالدهون ممكن تناول قرص زينيكال لتقليل امتصاص الدهون فى الوجبه لكن يفضل باشراف طبيب.
5- نظام مقترح كمثال لنظام رمضان ممكن نقسم الوجبات الى اربعه ..قبل الافطار 2 تمره مع كوب لبن خالى الدسم ليقلل الشهيه وقت الافطار ..وبعد 20 دقيقه ( ممكن تكون فترة صلاة المغرب) الافطار صدر فرخه مشويه مع خضار سوتى وسلطه أو مكرونه مسلوقه 4 ملعقه مع سلطه أو نصف كيلو سمك مشوى مع سلطه وربع رغيف بلدى ..بعد 3 ساعات تفاحه أو 2 خياره أو طبق خشاف صغير أو قطعة كنافه صغيره … السحور نصف رغيف بلدى مع 5 ملعقة فول بالليمون والزيت الحار مع واحدة فاكهه أونصف رغيف بلدى مع 2 بيضه مسلوقه أو زبادى خالى الدسم مع اتنين فاكهه (ماعدا العنب والتين والبلح والبطيخ) .
