أكد الرئيس عبد الفتاح السيسى، أن توقيع اتفاقية الضبعة النووية، جاء ومصر على أعتاب المرحلة الثانية والاستحقاق الأخير لخارطة الطريق، قائلا: “ده معناه يا مصريين إن إحنا ماشيين على الطريق السليم”. وأضاف الرئيس السيسى خلال كلمته عقب توقيع اتفاقية الضبعة النووية: “احنا هنفضل نشتغل ونبنى ونعمر فى بلدنا لآخر لحظة بيكم كلكم، وكل اللى أنتو بتشوفوه ده إحنا أكدنا عليه قبل كده، وقلنا إن ده لن يكون سبب أبدا لإعاقة مصر”، وقال: “إحنا قادرين على إن نبنى بلنا ونعمرها ونواجه كل التحديات اللى انتو شايفينها دى”. وتابع: “الإنجازات اللى اتحققت على الأرض بلا مبالغة – بيكم يا مصريين – عظيمة جداً، ودى خطوات صغيرة على الطريق، ولسه فى قدامنا عمل كبير أوى، وأمل كبير أوى عاوزين نحققه لينا ولأولادنا ولأحفادنا”. واستطرد :”ألف مبروك لهذا التوقيع، وإن شاء الله يتم العمل على قدم وساق ويجى اليوم علينا كلنا يا مصريين نحتفل بافتتاح هذا المشروع اللى كان أمل ليكم على مدى طويل.. وشكرا جزيلاً لكل من شارك فى إتمام هذا العمل العظيم”. واختتم الرئيس السيسى كلمته: “قدامنا مستقبل عظيم جدا.. وأنا متفائل جدا للمصريين واللى بيتم.. واللى بيحصل عظيم ولسه إن شاء الله.. تحيا مصر تحيا مصر تحيا مصر”.
