روت بوسي محمد، إحدى ضحايا الختان، ما تعرضت له خلال إجراء العملية، قائلة: “كان عندي 11 سنة، صحيت في يوم لقيت ماما بتقولي جهزي نفسك علشان هنروح مشوار، واتفاجأت بواحدة مستنياني شكلها صعب أوي”.
وتابعت “محمد”، في حوارها مع الإعلامية لميس الحديدي، مقدمة برنامج «هنا العاصمة» المذاع على فضائية «سي بي سي» قائلة: “الدادة ندهت على واحدة تانية، نيمتني على السرير، ومسكت رجلي، مستدركة: “حسيت إني مش بعمل عملية ختان، أنا حسيت بحد بيغتصبني”.
وأوضحت إحدى ضحايا الختان، قائلة: “فضلت أصرخ، وماكنتش قادرة آخد نفسي، وكنت حاسة إني هموت، ومالقتش حد استنجد بيه، مستدركة: “اكتشفت إن عفتي مش في إني أشيل جزء من جسمي، عفتي في التربية السليمة”.
وأردفت بوسي محمد،: “واجهت مجتمع بيحاربني كبنت، لكن ماقدرتش أمنع اللي حصلي، مستدركة: “قررت لما أتجوز ماعملش عملية ختان لبناتي، وأعلمهم القيم والمبادئ”.
