قال الرئيس عبدالفتاح السيسي، إن أى أمة تستطيع أن تتغلب على تحدياتها، مضيفًا: ” اتصور انه لو كان فيه مكاشفة بين قيادة الدولة والشعب، ومافيش حاجة اسمها امن قومى، هاقول للمصرين كل شئ”، معربا عن ثقته فى وعى وذكاء الشعب المصرى.
و عن تجربة المدارس اليابانية، قال الرئيس السيسي فى كلمته بمنتدى شباب العالم بمدينة شرم الشيخ، بجلسة بعنوان “تحديات وقضايا تواجه شباب العالم، وسبل المواجهة لصناعة المستقبل”، اقدر الشخصية اليابانية والالمانية بشكل خاص، والتجربة اليابانية فى التعليم ممكن نستفيد منها، سألت زمايلى يا ترى احنا عملنا عوامل تنجح التجربة، ولا بعد 6 سنوات وانا مش موجود يلاقوا الموضع مانجحش، يقولك اصل هو كان عاوز كده فعملوله المدارس وطبلولوه وعملوله المدارس ومعاملتش حاجة، لأ..هاقعد على التجربة لغاية ان شاء الله مانجحها، وهاعمل لجان تفرز الاسر علشان ننجح اكثر وتبقى عوامل نجاح المدرسة انتقاء الأسرة ومستوى التعليم علشان الفرصة يبقى نجاحها اكثر”.
