قال الدكتور محمد سعد الدين، رئيس جمعية مستثمرى الغاز، إن استيراد الغاز الإسرائيلى فى مصلحة مصر، وتابع بالقول: “كل الغاز بناخده عندنا فى مصر وبنعمله إسالة وقيمة مضافة لمصر وكل الدول تحتاج لمصر.. لو إحنا خدنا من إسرائيل وقبرص الغاز يبقى ضمنا أمن قومى للحقول والمصانع المصرية”.
وأضاف سعد الدين، خلال مداخلة هاتفية لبرنامج “كل يوم” المذاع عبر قناة ON E، مع الإعلامى عمرو أديب، أن المواطنين يتفهمون استيراد الغاز من إسرائيل بشكل خاطئ، وفى الحقيقة تستورده مصر للمتاجرة به، واستكمل: “هيجيلنا دخل وهنشغل موظفينا وعمالنا ولما هنصدر هنكسب وهناخد سوق خارجى.. الناس مش عاوزه تفهم ليه.. وده كله فى صالح البلد وكان المفروض ده يتم من 3 سنين”.
