تقدم نور البكري مدربة الأنوثة 10 نصائح لحل أي مشكلة مع شريك الحياة، يجب علينا نفكر فيها بشكل جاد والاستفادة من الخلافات في تقوية العلاقة مع الشريك:
أولًا : نفكر نحلها إزاي مش مين اللي غلطان.
ثانيًا: اعرف ليه المشكلة بتحصل؟
ثالثًا: إزاي ممكن أحل سبب المشكلة مش من ناحية الطرف الآخر بس من ناحيتي أنا كمان؟
رابعًا: أبدأ أحط خطوات إيه اللي ممكن أنا أعمله عشان مساهمش في حدوث المشكلة مرة تانية؟
خامسًا: لو أنا غلطان ببدأ أعتذر للطرف الآخر ولو هو اللي غلطان ببدأ أعبر عن مشاعري.
سادسًا: إزاي أخلي المشكلة دي متتكررش تاني؟
سابعًا: أعرف هي المشكلة لما بتحصل بنبقى عايزين نوصل لإيه ونبدأ نشوف نوصله إزاى من غير خناق.
ثامنًا: اتعلمت إيه من المشكلة دي؟
تاسعًا: المشكلة دي عرفتني إيه عن نفسي وعن شريك حياتي؟
عاشرًا: إزاي المشكلة دي ممكن تقربنا من بعض أكتر.
وتقول مدربة الأنوثة مشكلات أكتر يعني فهم أكتر للعلاقة يعني قرب أكتر.
