وقال “آل الشيخ” عبر صفحته الشخصية بـ”فيس بوك” موجها حديثه لـ”عفيفي”: “في البداية أحب أشكرك على صراحتك بس برضو عاوز منك تستحمل صراحتي وأنا أخوك أنت عارف يا أحمد معزتك عندي، وما دام نزلت الموضوع في صفحتك على الملأ هرد زيك على الملأ.. أولًا: هل حد قال لك من البداية أو ميعرفش اني بشجع في مصر الأهلي؟! ثانيًا: هل أنا لما زرت غير الأهلي في فترة الخلاف هل كنت شخصية نكرة ولا وزير سعودي ورئيس الاتحاد العربي لكرة القدم ورئيس اتحاد التضامن الإسلامي؟! ثالث حاجة: هل قدمت شيئا أو لم أقدم؟! رابع حاجة: أنى مش جمعية خيرية يا اخي الكريم أو حد ممكن يفرض علي أقدم أو لا أقدم.. خامس حاجة: أنا قررت وبوضوح أني لن أدعم بعد اليوم إلا الفريق إلى بشجعه.. سادس حاجة وملهاش علاقة في الموضوع: هزور الخطيب قريبًا أطمن عليه لو حابب تزعل زيادة.. وستفضل أخ وعزيز يا كابتن.. والي يلعب… كمل برحتك”.
وكان أحمد عفيفي وجه عدة رسالة لتركي آل الشيخ، عبر مقطع فيديو بثه على صفحته الشخصية بـ”فيس بوك”، قال خلالها: “هل الأولوية في الدعم أو في إنشاء ملعب هتروح للناس اللي وعدتهم بعد ما استقبلوك استقبال الفاتحين وقفوا بجنبك ووقفوا وراك في كل المشكلات مع الطرف الآخر.. وهل أنت متوقع تمشي في هذا المسار هتوصل لنتيجة مختلفة.. وأنا تقديري الشخصي مفيش حاجة هتتغير، والناس بتقول على الفيس رجعوا الراجل ومتخلهوش يعمل حاجة هناك خلوه يعمل حاجة هنا”.
وتابع: “الناس دي وقفت جنبك وفي ظهرك نتيجة المسار الذي سلكته في الأهلي، واللي أنت حاليا هتسلكه مرة أخرى ودي وجهة نظرك، هل لو في مجال للأولوية للناس اللي أخدوا وعد بالملعب، وأعتقد محتاجين إجابة وليه الناس دي يتقلها اللي يلعب معانا يستحمل ويتعور”.
