كشف حمادة الحلو نجل الفنان محمد الحلو آخر تطورات الحالة الصحية لوالده قائلا: “بابا كان بيعمل جلسات علاج طبيعي علي ظهره علشان خاطر هو عنده الغضروف وكان مأثر عليه في طريقة المشي عنده شوية وفجأة رجله ابتدت تورم والكلام ده كان علي مدار شهور، وبقي مش قادر يمشي علي رجله بشكل كويس والموضوع بقي صعب، وبالصدفة امبارح دكتور صديق كان بيزوره وشاف رجله وقال لازم ننزل دلوقتي نعمل إشاعة”.
وأضاف حمادة لـ فيتو:” التقرير الطبي ظهر بالليل واتضح أنه أصاب بجلطات في رجليه اليمين والشمال وانسداد في الشرايين وطبعا النسبة كبيرة جدا لدرجة أنه لازم يبقي في دعامات ولازم تتعمل العملية دي في أسرع وقت ممكن يوم الجمعة أو يوم الأحد على أقصي تقدير”.
وأكمل نجل الحلو قائلا:”الخوف كله كان من موضوع مرض السكر لأن المرحلة دي السكر مع انسداد في الشرايين بالنسبة الكبيرة اللي ممكن تؤدي إلي غرغرينا والحمد لله من كرم ربنا علينا أنه محصلش”.
وكان حمادة الحلو أعلن يوم الثلاثاء الماضي عن تعرض والده لوعكة صحية وذلك من خلال حسابه الشخصي عبر موقع التواصل الاجتماعي “فيس بوك”.
في عيد ميلاد محمد صلاح.. حكاية النص الحلو في حياة النجم العالمي
الفنان محمد الحلو يتعرض لأزمة صحية.. ونجله يطالب الجمهور بالدعاء له
وقال “حمادة: ”أبويا وأخويا وصاحبى وكل حاجة حلوة فى حياتى الفنان الكبير محمد الحلو يحتاج إلى دعاء كل محبيه ليتجاوز الأزمة الصحية الخطيرة التى يمر بها حيث قرر الأطباء حاجته إلى عملية جراحية عاجلة وتركيب دعامات لإصابته بانسداد في شرايين الساقين نسبة الانسداد فوق ٨٠٪.. يارب اشفه شفاء لا يغادر سقمًا”.
