وجه الرئيس عبد الفتاح السيسى، رسالة للشعب المصرى قال فيها: “تحديتم أقوى تنظيم فى العالم، وهناك دول النهاردة بتُحكم من هذا التنظيم”.
وقال الرئيس السيسى، فى جلسة اسأل الرئيس بالمؤتمر الوطنى الرابع للشباب بالإسكندرية، متسائلًا :”حد يقود ناس غصب عنهم؟ وحد يحكم ناس غصب عنهم؟ والله ما أقعد على الكرسى بتاعى يوم ضد رغبة الشعب”.
وتابع الرئيس: “قلت للمصريين خلوا بالكم احنا داخلين على مرحلة صعبة، وادونى تفويض للموضوع، طيب لو مكنش الشعب إدانى تفويض، كان هيبقى فى كلام تانى، وقدرتنا على فرض الاستقرار الأمنى بتزيد ولا بتقل؟ والتنظيم ده كل يوم يؤلمنا لكن إحنا كل يوم بنحقق نتائج أفضل والضربة اللى مبتموتناش بتقوينا”.
وأكد أن جهود القوات المسلحة ضد الإرهاب فى سيناء كبيرة للغاية منذ 15 يوما، ويجب تسليط الضوء عليه من قبل الإعلام، وقال: “تقريبا كل يوم من 10 لـ 12 عربية جايين من اتجاه الحدود الغربية بيتم تدميرهم”.
وأردف: “أتصور إننا بنتحسن وسيطرتنا بتزيد أكتر، وهما هيفضلوا كده لفترة طويلة ويارب يهديهم ويقتنعوا إن إحنا ممكن نعيش مع بعضنا بدل ما نتقاتل، وأنا بالنسبة لى لا أتردد ثانية فى مواجهتهم بمنتهى الحسم والقوة لأن اللى بيحصل منهم ميرضيش ربنا قبل كل شئ”.
