كشف رئيس نادى الزمالك أسباب الانسحاب من الدورى العام، بعد الهزيمة من طلائع الجيش بنتيجة 3/2 فى المباراة التى جمعتهما اليوم بالدورى الممتاز.
وقال رئيس الزمالك، فى مداخلة هاتفية لبرنامج “حضرة المواطن” مساء اليوم على قناة “العاصمة”: “فيه أزمة نفسية للاعبى الزمالك لو لعبوا فى استاد الدفاع الجوى، فيه عيال ماتت فى المكان ده كانوا رايحين يشجعوا الفريق، ولكن المسئولين فى اتحاد الكرة قالوا هو المكان ده.. اشمعنا النادى الأهلى اتغير ملعب المباراة”.
وأضاف: “الزمالك مش هيكمل الدورى طول ما وجيه أحمد رئيس لجنة الحكام، الزمالك اتغلب النهاردة أونطة.. وجيه (دلدول) حازم الهوارى اللى بيختار الحكام على مزاجه عشان الزمالك يتغلب”.
واستطرد: “مش هنكمل الدورى، الأستاذ البنا ده اللى عايز يضيع الدورى مننا، مش عايز أقول كلمة (وسخة) على الهواء، هو النادى الأهلى محتاج حد يساعده، الأهلى لعب الأربعاء، والزمالك لعب الأربعاء، احنا لعبنا النهاردة والأهلى هيلعب الثلاثاء!”.
